Hargaysa(SLpost)-Madaxwaynaha Jamhuuriyadda Somaliland Axmed Siilaanyo ayaa maanta magacaabay gudi ka sootala bixinaysa sixir bararka ka taagan dalka sida lagu sheegay war-saxaafadeed ka soo baxay xarunta madaxtooyada Somaliland oo uu ku saxeexanyahay af-hayeenka madaxtooyada Somaliland Xuseen Aadan Cige (Xuseen Deyr), waxaanu war-saxaafadeedkasi oo dhamystirani udhignaa sidan.
Xubnaha Guddida:
1. Madaxweynaha ku-xigeenka JSL (Guddoomiye)
2. Wasiirka Wasaaradda Maaliyadda (G/ku xigeen)
3. Wasiirka Wasaaradda Madaxtooyada
4. Wasiirka Wasaaradda Arrimaha Gudaha
5. Guddoomiyaha Baanka Dhexe ee JSL
UJEEDDO: Magacaabid Guddi
Mudanayaal iyo Marwo;
Masuuliyadaha iyo waajibaadka muhiimka ah ee Xukuumadayda ka saaran xagga arrimaha dhaqaalaha dalka waxa ka mid ah la socodka qiimaha shilinka Somaliland iyo kolba heerka uu marayo sicirka suuqu (korodh iyo hoos u dhacba). Sida aad la wada socotaan, dalkeena waxa ka jira sicir-barar ba’an oo saamayn toos ah ku yeeshay nolol maalmeedka bulsha weynta Jamhuuriyadda Somaliland.
Haddaba Mudanayaal iyo Marwo, waxa lagama maarmaan ah in arrintaa si qoto dheer loo soo baadho, looga soo war bixiyo isla markaana laga soo ururiyo xog waafi ah oo lagu go’aan qaato. Sidaa darteed, Guddi ahaan waxaan idin farayaa inaad xog buuxda iga soo siisaan sicir-bararka dalka ka jira, kana soo talo bixisaan wixii arrintaa lagu xallili karo.
ALLAA MAHAD LEH
Xuseen Aadan Cige (Xuseen Deyr)
Af-hayeenka Madaxweynaha JSL.
Somalilandpost.net
Hargeysa-Somaliland
