Hargeysa (SLpost) – Maareeyaha Xawaalada World Remit ee Somaliland Sucaad Yusuf Odowa ayaa Maanta Soo Bandhigtay Adeeg Cusub oo ay ku soo kordhiyen Xawaaladooda oo ah Adeeg Zaad, kaasi oo ku sahlaaya in Toos lacag laga soo Diri karo Wadamada Caalamka oo dhan oo aanu Qofna ama Xawaaladi idin dhexeynayn iyadoo halka aad joogto lacagta aad ka qadankarto kalan bixi kartid Mobilkaga, Sidaasi Waxay ku sheegtay Shirjaraa’id oo ay ku qabtay Hotel Maansoor ee Magaalada Hargeysa.
Sucaad Yusuf Odowa waxa kale oo ay ka warbixisay halka Adeegoodu uu gaadho waxay Xustay in dhamman Qaaradaha Adduunka oo dhan ay xafiisyo ay ku leeyihiin iyada o si gaar aha u tilmaantay Wadamada UK, India, Malaysia, South Afrika, Nigeria, Ghana, Canada, Australia, France, Netherland, Greece, Germany iyo wadamo kale oo ku yaala Yurub.
Maareeyaha Xawaalada World Remit ee Somaliland Sucaad Yusuf Odowa oo ka hadlaysa Adeeg Casriga ee ay Soo kordhiyeen ee Zaad waxay Tidhi. “ Waxaanu maanta iskugu nimid sidii uu Xawaaladayadani dadka u gaadhsiin lahayd in adeeg cusub oo casri ah oo la yidhado Zaad, adeegaas oo ujeedadiisu tahay in dadka loo fududeeyo lacagaha ay u dirayaan Dadkooda, taasi oo aanay jirin wax u dhaxeeya ka lacagta diraya iyo ka loo dirayo kuwaas oo toos lacagta u kala gudoomaya, waxayna iskugu diri karaan adeegan Zaad, runtii markii aanu eegnay adeegan waxa noo soo baxday in uu leeyahay faa’iido badan kaasi oo noqday mid hawlfududeyn ah, dadka lacagaha soo diraya iyo dadka loo dirayo waxay isticmalayaan waa adeegan zaad, intaasi waxa dheer in uu qofku isaga oo gurigiisa ama Xafiiskiisa jooga uu lacagta soo dirikaro waa haddii uu haysto mobile internet leh sita ayuu lacagta ku dirayaa.”Ayey Tidhi Sucaad.
Lacagta uu qofku dirayo qiimaheeda oo ay ka hadashayna waxay tidhi. “Xadiga Lacagta Uu Qofku Dirayaana Waa 1 dolaar ilaa 2,500 oo dollar ayuu toos qofku ugu diri karaa cida uu doonayo, waxyaabaha aad u xiisa galinaya adeegan waxaa kamida in qofka Miiyiga joog ee Geela la jooga ee Zaadka haysta, haday biyuhu ka go’aan ama haday raashiinku ka go’aan, ayaa waxa uu tilifoon u dirikaraa qofkii joogay UK ma wadamada kale muddo koobana lacagtii loogu soo dirayaa halka uu joogosi uu wixii uu doonayey ugu iibsado, markaa waa adeeg aad iyo aad u xiiso galinaya bulshada Somaliland wax weyna inoo soo kordhinayaa, Lacagaha fud fudud ee la diri karaa waa sida xaqal ciidka ama biilka ayaa lagu soo diri karaa qofku uma baahna inuu xawalad tago oo uu soo qaato lacagtii, ama uu kuyuu-galo qofka soo diraya lacagta, ama qofkii kale intuu bas raaco uu lacagtii doonto ma ah adeegani, laakiin dadku waa in ay accountyo lahaadan oo Accoun-ka Lacagta Ay Ka dirayaan uu yahay mid qofku leeyahay taasi ayaa u sahlaysa in toos ah qofku lacagta u diri karo, laakiin Qof Aan Accoun haysan Adeegayaga way ku adkaanaysaa inuu isticmaalo laakiin taasi waa mustaqbalka oo ay xawaladahu ku danbeynayaan accounts.”
Sucaad oo ka hadlaysa Hanaanka ay u adeegsanayaan Adeegan waxay tidhi. “Zaadka waxaanu u adeegsanaynaa company la yidhaahdo Home Send oo aanu heshiis wada galnay, iyaga oo iyana heshiis la galay Shiirkada Isgaadhsiinta ee Telsom, markaas sidaad ayaanu anaguna uga faa’iidaysanaynaa Adeegan kaasi oo aanu dadka wax ugu qabanayna, sidaad ogtihiiba waxay Xawaalada World Remit waxay lacag ka soo dirtaa 32 Wadan waana sharkada uu wayn aduunka ee qaabka onlinka wax u dirta oo in kabadan 100 wadan lacagaha gaadhsiisa, World Remite waxay toos lacag ugu dirtaa adeegyada Mobile mony Transfer Gsma u Aqoonsatay Inay yahiin Kuwa ugu Horeeya Aduunkan Kuwaasi oo Ay ka mid Yahiin MPESA (Kenya), Zaad (Somaliland) Gcash (Philippines) Smart (Philippines) Easy paisa (Pakistan) Eco Cash (Zimbabwe) Iyo Mtn (Ghana).
SOMALILANDPOST.NET
