Ciyaar aad uxiiso badan ayaa shalay gelinkii danbe waxaa lagu qabtay Garoonka Power league Stadion Aston lichfield Road ee magaalada 2aad ee Ingiriiska Birmingham Uk,
Hawsha tartanka loo qabtay koobka 18-ka May ayaa waxa iska kaashaday gudiga qabanqaabada 18May ee jaaliyada Birmingham iyo ururka dhalinyarada ee dhinaca ciyaaraha ee Birmingham , ciyaartan shalay oo Geba-gabo u ahayd Koob socday , ayaa waxaaa loogu tala-galay Munaasibada Qaran ee 18-Ka Bisha May –kan soo wareegtay sanad-guuradii 22aad oo ah maalintii Qarinimada umada Somaliland.
Waxaana ciyaartan shalay galabta dhexmatay 10 Kooxood oo qaybta waaweyna iyo 5 Kooxood oo iyaguna kooxaha dhalinyarada yaryara, waxaanay ka kala socdeen Gobolka West Midland oo dhan sida Birmingham , Coventry , Wolverhampton iwm.
Tartanka Ciyaarahan ka-dib waxaa waxaa maanta oo Axad 18May2013 lagu qaban-doonaa hool weyn iyo barxad weyn oo ka soo horjeeda Beerta Small heath park, cinwaanka oo ah
Al Miraj Banqueting Suites
11-29 Wordsworth Rd
Small Heath, B10 0ED Birmingham
isla-markaana ah Munaasibad balaadhan oo si weyn loo soo agaasimay ayna ka soo qayb geli doonaan wefti balaadhan oo ka koobanilaa 8 xubnood oo wadankii ka yimi , uuna hogaaminaayo Madaxweyne ku xigeenka Somaliland Md,Cabdiraxmaan Cabdilaahi Ismaaciil (Saylici) , Weftiga Madaxweyne-ku-xigeenka ayaa shalay kala qayb-galay magaalada London munaasabad balaadhan dadka reer Somaliland ee degan Magaalada London iyo nawaaxigeeda oo ah, ee 18 ka May 22 sanno guuradii ka soo wareegtay markii madax banaanida ay Somaliland heshay ,isla-markaana lagu qabtay garoonka weyn ee kubadda cagta ee Barnet Football Stadium oo ku yaalla W/Galbeed ee magaalada London, halka maanta uu kaga qayb-geli doono dadweynaha Reer Somaliland ee degan Magaalada Birmingham iyo agagaarkeeda.
Ugu danbeyn Masuuliyiin ama gudiga qaban-qaabada maalinta 18 –Ka May ee Jaaliyadda Birmingham ayaa Hambalyo u jeediyey Kooxaha Kubada cagta ee jaaliyada Somaliland ee Birmingham iyo nawaaxigeeda ,waxayna sheegeen in koobkan Lagu waynayney, Maalinta Qaran ee 18-ka May ee sanadguuradii 22aad oo si wanaagsan u soo idlaaday, waxaanay sheegeen gudiga oo isku-duuban in ay ,dhamaan shacabka Somaliland ugu hambalyeynayaan Maalinta qaranimada.
Gabagabadii munaasibada koobka loogu talo-galay ,waxaa lagu gudoonsiin-doona munaasibada weyn ee maanta lagu qabanaayo goobta uu madaxweynaha-ku-xigeenka Somaliland iyo weftigiisu ay kala soo qaybgeli –doonaan jaaliyada Somaliland ee Birmingham , iyadoo halkaasi Koobab lagu gudoonsiin doono labadii Kooxood ee ku kala guuleystay kaalinta 1aad , Iyadoo dhinaca kalena kooxaha kale ee kaalinta labaad iyo tan sadexaad lagu guddoonsiin doono iyagana abaal Marino.
By, Adan Yusuf Elmi
Birmingham/UK