Maanta waxaynu doonaynaa in aynu isbarbardhigno wasiiradii hore xisbigii laga adkaaday doorashadii madaxtinimo ee Somaliland iyo kuwan haatan shaqada qaran haya ee xisbigan kulmiye ee hatan wadanka maamula:waxaynu isku dayeynaa in aad sameyno isbarbardhig kooban oo aad ku fahantid farqiga u dhaxeeya labadan gole wasiir kan cusub ee kulmiye iyo kuwii hore ee udub.
Wasiiradii hore ee Udub Astaamahoogii iyo Hab-dhaqankoodii.
- Wasiir ina-Somaliland ah ama ina-Afrika ah!!!
- Wasiir sii eegaya xaga madaxtooyada oo war ka sugaaya.!!
- Wasiir aan dadka ka baqaneyn ee madaxweynaha uun ka baqanaaya.!!
- Wasiir ku mashquulsan raali galinta Riyaale oo aan ku mashquulsaneyn dadka suuqa hadalada ka soo yeedha oo wax kasta oo ay yidhaahdaa dhag u dhigeyn!!
- Wasiir ka war haya dadku waxa ay ka cabanayaan ama ay soo codsanayaan!!!
- Wasiir hantida dadka leexsanaaya;laakiin ogol in wax lala cuno oo og in la ogyahay oo dadka wax uu tuuraaya!!!
- Wasiir dalka inbadan joogay oo ka war haya xanta iyo baahida tolka!!!
- Wasiir madaxweynaha iska dhaadhicinaaya ee aan dadka iska dhaadhicineyn!!
- Wasiir og in uu madaxweynu keenay meesha ee uuna abaal uu xisbiga udub ku lahaa keenin!!!
- Wasiir ka baqanaaya haddii uu beeshiisa u jilco ooyinteeda in xilka lagala noqonaayo oo iska ilaalinaaya in laga uriyo meelaha beeshiisu ku kulmeyso!
- Wasiir garanaaya xafiiskiisa xafadda ku xigta cida leh ama dagan;( ma Mujaahid baa, ma nin qadarin mudan baa?ma nin mucaarid ah baa?………………….?
- Wasiir garanaaaya beeshiisu siday u kala mudan tahay iyo cida ay tahay in loo yeedho si ay madaxweynaha ula kulmaan oo ay cabashadooda ama xildoonistooda ugu geeyaan!!
- Wasiir Jaraaidka ka adag oo isla markaas ba qabanaaya shir jaraaid oo ku beeninaayo waxaas warbaahintu ka sheegtay ….
- Wasiir jaraaidka laftiisu ka baqdo oo ayna eryankareyn.
- Wasiir difaaca madaxweynihiisa xaq iyo xaq darro ba!!!
- Wasiir shaqaalihiisa dhaqaaleeya oo inta uu xafiiska joogo la sheekaysta oo la kaftama…..!!
- Wasiir aftahan ah oo af-soomaaliga ku wadhwadhay oo erayo cusub oo uu ku difaacayo madaxweynaha iyo udub isticmaala.
- Wasiir cidna aan amaan iyo abaal ka dooneyn madaxweynaha uun mooyaane!!
Wasiirada maanta ee kulmiye Astaamahooga iyo Hab-dhaqankooda!
- Wasiir ina-Yurub ah ama ina-Mareykan ah!!!
- Wasiir fuqa taagaaya oo cawaandiya oo aan lala hadli kareyn!!
- Wasiir abaal iyo dayn u sheeganaaya xisbiga kulmiye oo aan ka baqaneyn in la casilo.
- Wasiir xasaasi ka qaba waxa warbaahintu qorto oo maxkamadda uga sii horeynaaya si uu ula dacwoodo warbaahinta!!
- Wasiir aan la arkayn waxa uu lunsanaayo iyo meel uu dhigaayo lacagta uu lunsanaayo!!!!
- Wasiir qurxinaaya wasaaradda uu joogo si uu u helo deegaan u eeg meelihii uu ka yimid ee yurub iyo mareykan.
- Wasiir aan garaneyn beesha uu ka tirsanyahay cabashadeeda iyo waxa ay dooneyso.!!
- Wasiir marka uu doono xaaladkastaa ha jirtee tikidhka goosanaaya oo tagaaya dibadda.!!
- Wasiir sii eegaaya yurub ama mareynkan caruurta iyo islaanta u joogta ee aan eegayn danyarta ku dhaqan dalka ama ay wasaaradiisu khuseyso!!
- Wasiir labtop ku foorara oo aan la hadlayn shaqaalihiisa la fadhiya ama hawl wadeenadiisa ay wada shaqeeyaan!!
- Wasiir aan dooneyn in talo ay siiso cid la shaqeysaa madaamuu sito shahaado master ama ph.d.!!
- Wasiir af-ingiriisi ku hadlaaya ama caado ay u noqoto in uu erayo af-ingiriisi ah badanka ku jawaabo oo ay saxafiyiintu ama shaqaalu u turjumayaan si dadku u fahmaan.tusaale(waxa uu hal hays u leeyahay:It is good..shaking his head!!!!) halka wasiirkii udub uu odhan jiray(waa arrin fiican….ama way fiicantahay)!!
- Wasiir aan difaacayn madaxweynaha laakiin difaacanaaya wasaaradiisa!!
- Wasiir jecel inta uu hawl halkan ka qaban lahaa in uu dibadda ka soo qabto!!
- Wasiir jecel dhoofka iyo in xaflad ay isii diyaariyaan qurbo joogu!!
- Wasiir hadalkiisii hore iyo hadalka maanta uu wareysiga ku bixinayaa ayna kala duwaneyn oo haddii 100 eray uu isticmaalay wareysigii hore uu boqolkii laftoodii uun ku hadlaaya imikana!!
- Wasiir hadalkiisa ay ku soo noqnoneyso …waa markii ugu horeysay…..waa markii ugu horeysay ee sidaas la sameeyey…iyo intii yareyd ee xisbiga kulmiye xukunka hayey……..!!!!!
Sheeko yar oo qosol leh: nin aanu saaxiib nahay oo reer burco ah oo imika hargeysa jooga oo magaciisa la yidhaahdo;Cismaan ku jare…ayaa waxa uu maalin nooga sheekeeyey in uu doonaayo in uu sameeyo riwaayad ka turjumaysa dawladdan qurbo joogu wasiirada u badan yihiin.waxa uu yidhi,waxa ka mid ah riwaayaddaas sheeko ah: odayaal ka cabanaaya abaar deegaankoodii ku dhacday ayaa wasiir qurbaha ku koray oo imika xil haya ayay u imanayaan markaas ayay ku odhanayaan: Wasiir abaar baas iyo omos ayaa nagu dhacay ee waxaan doonaynaa in aan wax nagala qabato:dabadeed labadii eray ee Abaar iyo omos….ayuu fahmi waayey markaas ayuu yidhi; inta uu madaxa luxay…Abaar …..abaar…abaar …..omos ……omos……wuu fahmiwaayey. Suga ayuu ku yidhi:Googlahaan ka eegayaaye ………!!KK
Qore:C/casiis maxamed yoonis(ansaari).
Macalin dhiga luuqadda ingiriisiga>
Email:ansaari25@hotmail.com/Tel:00 252 2 4175733.
Hargeysa,Somaliland.