Hargeysa (SLpost)- Xildhibaan Abwaan Jamaac Faarax Axmed (Jaamac Riyo), ayaa soo saaray Hees cusub oo sanado dhitaynayey oo uu la maaganaa Xukuumadda Madaxweyne Axmed Siilaanyo oo uu xiligii Rayaale u tiriyey Hees tan la mid ah oo waxtar u noqotay Kulmiye oo la odhan jiray Diilaal Noo dhuuntayo soo dhaadhac, taasoo wakhtigaas si weyn u hir gashay isla markaana mucaaradad xooggan ku kicisay UDUB.
Xildhibaan Jaamac Riyo Heesta cusub ee uu Xukuumadda Madaxweyne Siilaanyo u tiriyey waxa uu Midhaheeda ku sifeeyey xaaladaha dalka ka taagan ee ay ku maamusho halka uu erayadii Rayaale dhibsan jiray Siilaanyo ugu bedelay.
Erayada Heestan, ayaa u dhigan:
Siyaasadii dibadiyo
Dalkiyo tii tiil gudaha
Dariiqeedii ka baydhay
Dagtoo wax isdaba maryaysay
Dil iyo dhagar noo horseeday
Tashiga duul kula wadaagay
*** **** ****
Soo doog baan lahaaye
Ka sii dar hadii ay ahaatay
Dan guud iyo boobisteeda
Duul ooman waraabintooda
Adoo duma-baa roone
Dilaalka badheedhayoow
**** ***
Dushiinay ceebi taale soo data
Kuwii idinkaa ka darane soo data
Diir iyo ayax oomanoow ka data
Â
Xilkaanu kuu dooraniyo
Dantii Somaliland
Dayaysay daryeeli wayday
Qabyaaladii daaha qaaday
Doc iyo reer-reer istaagtay
Shir beeleed dib ugu guurnay
Â
Danqaabadii aad abuurtay
Dix iyo ceel lama wadaago
Sidaad duulaan tihiin
Dalkiyo beeshaba qabsaday
Dagmadu tiinii ahayn
Hadhuubkiyo doobigii
Markaw darandoorideen
Dushiinay ceebi timide Soo data
Kuwii idinka ka daran soo data
Diir iyo ayax oomanoow ka data
Dir iyo daabaan gabaay ka daado
Waa erayadii Abwaan Jamaac Faarax Axmed (Jaamac Riyo
HEESTII ABWAAN JAAMAC RIYO U tiriyey Xukuumaddii Daahir Rayaale Sannadkii 2009-kii ayaa iyaduna u dhignayd Sidan:
Xilkaanu kuu dhiibanee,
Naf iyo dhimashaba lahaa
La dheeliday dhoon wareegtay,
Amaanadii dhawri weyday
Dhitiyo kaydkii Idlaysay,
Khayraadkii dhoobo qaaday
*** *** ***
Addoo dhagar-maal u muuqda,
Dhaliili dushaada taalo
Ku jira dhoobo iyo ceeb,
Ayaamihii kaa dhamaade
Mudiyo dheeraad ku siiyay,
Sidaadii dhaami weyday
Ka dhaadhac DhiishaaduMa buuxsantee Ka dhaadhac
Dilaal noo dhuuntayow, Ka dhaadhac
Dhalaan qadiyow ka dhaadhac
*** *** ***
Xilkaanu kuu dhaariniyo
Dhismahii Somaliland
Dhantaashay Dhaqaajin Weyday,
Dhaqmaati Adaa u diidey
Dhacdiyo Taariikh xun reebay,
Dhul iyo Daaraba Xaraashay
Dantaad Dhaawaca ku boobtay,
Anaa dhayi Nabaradeedee
Ninkaan Dhaanka u diree Isagu Soo dhaansadow
Mudiyo dheeraad ku siiyay,
Sidaadii dhaami weyday
Ka dhaadhac Dhiishaadu Ma buuxsantee Ka dhaadhac
Dilaal noo dhuuntayow, Ka dhaadhac
Dhalaan qadiyow ka dhaadhac.
—————————-