Berbera (SLpost)- Dr Cabadi Cilmi Guuleed oo ahaan jiray gudoomiyihii xisbiga Kulmiye ee gobolka saaxil dhawaana xilkaa is wareejiyay kadib markii uu iskugu taag heli waayay shaqooyiin ugaara iyo shaqada xisbiga Kulmiye, ayaa socdaal dano ugaara ugu baxay Magaalada Muqdisho ee Somaliya waxaana socdaalkiisaa warar uu been abuur ku sheegay Dr Cabdi Cilmi Ka baahiyay qaar kamida warbaahinta Somaliland iyaga oo socdaalka uu kutagay magaalada Muqdisho ku tilmaamay in uu Dawlada Faderaalka Somaliya udoontay xil dawladeed iyaga oo qeybaha warbaahinta ee warkaasi qoray sheegay in uu balan qaad ka helay Madaxweynaha Dawlada Faderaalka Somaliya Xassan Sheekh maxamud Waxaanu mar uu khadka tilifoonka noogu waramaayay manta Dr Cabdi Cilmi Guuleed uu sheegay in aanay wararkaas waxba ka jirin lagana been abuuray cida warkaas qortayna aanay xog dhaba oo socdaalkiiisa la xidhiidha aanay hayn,
Dr Cabdi Cilmi Guuleed oo kamida Aggaasima waaxeedyada Dawlada hoose ee berbera gaar ahaan waaxda caafimaadka ayaa socdaalkiisa ku sheegay mid la xidhiidha guryo aabihii Cilmi Guuleed ku lahaa magaalada Muqdisho in uu kawar doonkooda utagay magaalada Muqdisho isaga oo waraaqihi fasaxa uu ku qaatay ee maamulka dawlada hoose ee berbera ku fasaxeena warbaahinta usoo diray,
Dr Cabdi Cilmi Guuleed waxa uu wax laga xumaado kutilmaamay warar aan loo meel dayin ee laga faafiyay socdaalkiisa waxaanu yidhiâWaxa aan aad uga xumahay warar aanan garanayn meesha ay Warbaahintu ka keentay oo aniga layga faafiyay kuwaas oo la leeyahay waxa uu shaqo ama xil dawladeed udoontay Muqdisho iyo dawlada federaalka Somaliya, waxan leeyahay warkaasi waa Been abuur aanay waxba kajirin anigu waxa aan Muqdisho utagay hanta aan leeyahay oo taala ay kamid yihiin guryo uu aabahay kulahaa wax xila ama shaqo ah oo aan tagayna majirto qolyaha warkaas qorayna waxan leeyahay idinkaa sheegi meesha ka keenteen, intaa waxa ii raacda oo aan Leeyahay qolyaha warbaahinta saaxiibyaal wararku waxa ay ku fiican yihiin in ay xaqiiq noqdaan oo aanay mala awaal idinka noqon, anigu waxa aan ahay shaqaale dawladeed fasaxii aan qaatayna waakaas ee aan Muqdisho kutagay insha allah dhawaana waan soo noqonayaa,
Marka laga yimaado shaqada uu dawlada hoose ka hayo Dr Cabdi Cilmi guuleed waxa uu kamid yahay dadka sida gaar ah ugu shaqaysta xirfada dhakhtarnimada isaga oo kamida koox shuraako ku ah xarun caafimaad oo lagu magacaabo Taakulo oo kutaala xarunta gobolka saaxil, waxaanu ku takhasusay oo ku shaqeeya baadhista (Laboratory).
Sikastaba ha ahaatee Waxa uu Dr Cabdi Cilmi Guuleed wararkaas ku tilmaamay ku aan sal iyo raadtoona lahayn oo been abuura .
Somalilandpost.net/Berbera
