Gabiley, (SLpost)– Qaar ka tirsan qurbajoogta reer soomaaliland ee wadanka UK oo uu horka caayo Fanaanka way nee Nuur Aw Jaamac (nuur daalacay)ayaa shahaado sharaf gudoonsiiyay Mayarka dagmada Gabiley Khadra Xaaji Gaydh iyo xoghayaha dowlada hoose ee gabiley C/raxmaan Nuur Abokor,Munaasibadaasi oo lagu qabtay xafiiska maayarka dagmada Gabiley ee xarunta Gobolka Gabiley.
Munaasibadaasi oo ay ka soo qaybgaleen xildhibaano ka tirsan golaha deegaanka Gabiley Maamulaha Xarunta agoomaha,Gudoomiyaha uruka haweenka Gobolka Gabiley Sahra Muuse,iyo dhamaan shaqaalaha ka howgala Xarunta D/Hoose ee Gabiley, iyo marti sharaf kale oo badan.
Xafladani oo ahayd mid heer sare ah loo soo agaasimay islamarkaana lagu qabtey Xarunta Maamulka D/hoose ee Magaalada Gabiley,ayaa waxa ugu horeyn hadal amaana iyo dhiirigalina ka jeediyay Fanaanka Nuur Daalacay, oo u Hadley xubnaha qurba jooga ah ee Gudoonsiiyay, Maayarka Gabiley Shahaadada ayaa, sheegay in loo baahan yahay in lagu deydo Maayarka iyo Xoghayaha, waxqabadka ay qabteen Mudadii ay joogeen taasoo ay ka dhiseen D/Hoose hool wayn oo loogu talo galay Shirarka iyo xafladaha munaasibadaha ah waxaanu ku dheeraaday wax qabad ka kale ee ay ka fuliyeen Gobolka Gabiley Axmed Nuux Madar(Axmed-Cadeyska),oo kamid ah jaaliyada UK ee Reer Somaliland
Axmed Nuux Madar (axmed-cadayska),oo kamida jaaliyada reer soomaaliland ee wadanka UK ayaa isaguna xafladaas hadal ka soo jeediyay waxaanu sheegay ujeedada ay u gu talo galeen munasibadan waxaanu yidhi-“ waxaanu halkan u nimid in aanu shahaado gudoonsiino, Maayarka iyo Xoghayaha Gabiley, oo aanu ku gudoonsiinayno waxyaabaha ay qabteen, taas oo ah waxaqabadyadii uu Xisbiga Kulmiye, u balanqaadey dadweynaha markii uu kaambeynka ku jirey, waananu u hanbalyeynaynaa ilaaheyna waxaan uga rajeyneynaa in ay ku guuleystaan swax kasta oo wax qabada oo ay ka samaynayaan Gobolka Gabiley”Sidaa Waxa yidhi Axmed Nuux Madar(Axmed-Cadeyska).
Waxa isaguna xafladaasi hadal kooban ka soo jeediyay Xogahayaha D/hoose ee Gabiley C/ramaan Nuur Abokor oo ugu horayn u mahad naqay Qurbajoogta reer soomaaliland ee wadanka UK waxaanu sheegay inay wax qabad kani ay qabteen yahay waajibaad looga baahnaa, in bulshada loo qabto waana waajib in loogu mahad celiyo cid kasdta oo ka howl gasha Arimaha Bulshada jecelna inay umada wax u qabtaan.
Gabagabadii xafladaasi Maayarka Gabiley, Khadra Xaaji Geydh ayaa u mahad celisay Qurbajoogta Reer soomaaliland ee wadanka UK Shahaadada ay gudoonsiiyeen,waxaanay sheegtey in ay waxaqabadyadoodu qeyb ka yihiin balanqaadyadii Madax-wayne Siilaanyo Balan u balanqaaday dadweynaha xiligii Ololaha Lagu jirey wakhti xaadirkan lagu jirana uu kordhay dhaqaalihii,taasoo loo kor dhiyay Askartii iyo Shaqaalihii kaleba.
Fanaanka caanka ah Nuur Daalacay iyo xubno qurba joog ah oo wehelinaya ayaa, kusoo noqnoqday Gabiley iyagoo ay soo jiiteen Waxaqabadyada Maayarka iyo Xogahayaha D/hoose Gabiley, sida dhismayaasha jidadka bilicda Xarunta D/hoose Gabiley iyo Dhismaha Hoolka Wey nee Gudaha Xarunta D/Hoose.
SLpost News Desk
kaafi20@hotmail.com
