UMAD KASTA OO ADUUNYADA GUUDKEEDA KU DHAQAN WAXAA SOO MARA , MAAMULO XUKUUMADEED OO KALA DUWAN, KUWAAS OO AY UMADU KA DHAXASHO FICILO TABAN, AMA FICILO TOGAN ,
HADBA WAXAY UMADADOODA U QABTAAN, U’GANA TAGAAN. ISLA MAR AHAANTAANA AY FULIYAANBAA DIWAANKA U GASHA, NOQOTANA MID LAGU MAHADIYO ,ABAALNA LOOGA HAYO, LAGUNA XASUUSAN DOONA, AMA WAXAY NOQON MID LAGA QOMAMEEYO, UMADANU AY KU XUSTO TARIIKH MADOW.
INTAA KA DIB, UMADKASTAA WAXAY DOORTAAN MAAMUL AY U BAAHAN YIHIIN INUU HAGO, KUNA HAGO HAB MAAMUL OO CADALAD, IYO SINAANI, AY SALKA U TAHAY, SI AY U GADHAAN HIMILOOYINKOODA UGANA BAXAAN CAQABADAHA MARKAAS HOR YAALA, UNA HORSEEDA HORUMAR IYO BADHAADHE AY NOLASHA KA GADHAAN,
BALSE MAMULKA MAANTA AY DADKU DOORTAAN WAXA UU HAD IYO JEER NOQDAA, MID AY QOMAMEEYAAN, KANA WAYAAN HIMILOOYINKII IYO HADAFKII AY U DOORTEEN, UGANA FADHIYAAN , BALSE FARTA AYEY DHEXDA KA QANIINAAN, KUNA HONGOOBAAN ,
ISKA DAA INAY KA HELAAN HIMILADA AY LEEYIHIIN, WAXAY KA DHAXLAAN CAWAAQIB XUMO, AY QOMAMEEYAAN INBADAN .
WAXANAY KA DHAXLAAN, ISKU DUL NOOLAANSHO, CADALAD DARO, IYO SINAAN LA,AAN DHEXDOODA AH, TAAS OO DADKA ,QAAR SIISA SADBURSIIMO AY KA DHAXLAAN, HABNOLALEED FIICAN OO KU DHISAN DHAQAALE , SHARAF IYO CISI AY KU NAALOODAN NOLASHOODA,
BADHNA WAXAY KA DHIGAA GU’UN, KU WAAS OO ,LAGU GUMEEYO DHAQALAHOODA IYO HANTIDOODA AY UGU TABARUCAAN DALKOODA.
KUWAAS OO DHAXLA , NOLAL LIIDATA, SHAQO LA,AAN IYO WALIBA TACADIYO JOOGTO, AH OO KAGA IMAADA, MAMULKA AY DOORTEEN , IYO INTA DABA TAGAN, EE DHEEFTA IYO DHAQALAHA DALKABA , AAD MOODO IN AY DHAXALKA U HELLEEN.
DADKAASI HAD IYO JEER WAXAY U BADAN YIHIIN DADKA DANYARTA, EE DALKAN KU DHAQAN, KUWAAS OO XUKUMADA AY SOO DOORTEEN, UGA FADHIYAY INAY NOLASHOODA DARYEESHO.
ISKA DAA XUKUUMAD DARYEESHEE, IYADOO LAGU JIRON XILI XUN OO ABAREED, WAXA CIIL IYO QOOMAMO AAD KA QAADAYSAA, CAGAFTA MAALINKA KASTA LA GALINAYO, HOOYOOYINKA DANYARTA AH, EE MARKAY KA WAYEEN XUKUUMADOODA DARYEEL. SUUQA U BAXAY EE TAMAANDHADA, IYO CAANAHA LA FADHIYA BACADKA ,SI AY NOLAL UGU RADIYAAN QOYSASKOODA, HALKA DADKAY DOORTEENA DHAQALAHA HOYOOYINKAA LAGA QAADO ,GAWAADHI QALIYA OO AH NOOCA “LUXERY AH KU GATAY, KUNA LAAFYOONAYA MAGALADA.
BAL U FIIRSO ABAARAHA SAMEEYEY DADKII IYO DUUNYADII INTABA, EE HALKII LOOGA BAAHNA GURMAD, SI GEERI IYO NOLAL, DADKAA IYO DUUNYAADAA, U DHAXEEYA LOO BADBAADINLAHAA,
BALSE DADKII LAHAA HANKA ,HOGAAMINEED EE UMADAN ,WAXAY DHARAG LA DUL TAGEEN, KUNA MASHQUULSAN YIHIIN, IYAGA OO AAN DIIR NAXAA KU OOL, DIWAAN GALIN, SI AY HAWSHOODA IYO HIMILADOODA U HIRGASHO,KURSGANA KU GADHAAN, IYADOO, DADKA AY CODKA KA DOONAYAANA, AY TAHAY DADKAA GEERIDA IYO NOLASHA U DHAXEEYA, UNA BAAHAN GURMADKA QARAN.
RUNRTII SOOMALIDU WAXAY KU MAAHMAAHDAA” NIMAAN KUU FURI DOONIN YAANU KUU RARIN”
GABAGABADII WAXAAN HADALKAYGAN KU XUSAYAA TUDUCYO KA MIDA GABAYGII CABDI IIDAAN”
DIBIGII XAREEDIYO
DOOXADU U BUUXDEE
DINAAHIYEE CIYEY
ISAGIYO DIBIRADII
DUUFLAALSE MOOYAAN.