Berbera (SLpost)- Madal ay Ilyartu is qabatay oo si heersare ah loo soo agaasimay, oo lagu daahfuray bug cusub oo lagu magacaabo Qolka Hurdada Qisooyin Iyo Cilmiyo ku Duugan “buugan oo uu qoray qoraaga weyn ee Sh.Maxamuud C/Laahi (Maxamuud Naxwe).
Madasha buuga lagu soo bandhigayay oo ahayd hoolka weyn ee jaamacada culuunta badda ayaa waxa ka soo qayb galay mayorka magaalada berbera Cabdishukuur Maxamuud Xassan, xooghayaha Fulinta dawlada hoose SuhaybMaxamed Cali, xildhibaano, madaxda laamaha dawlada ee heer gobol iyo degmaba, ardayda jaamacada badda, aqoonyahano, culima awdiin iyo dhalinyaro tira badan oo isugu jira gabdho iyo wiilalba, waxa kale oo madasha goob joog ka ahaa islamrkaana isagu buugan soo bandhigay qoraaga buuga Sh.Maxamuud Naxwe.
Ugu horayn waxa madasha furay gudoomiyaha naadiga akhriska ee BERBERA READERS CLUB. Maxamuud maxamed jaamac oo ka warbixyey marxaladihii uu naadigu soo maray iyo himilooyinka uu hiigasanayo waxa kale oo uu madasha ku soo dhaweeyey qoraaga buuga oo ku tilmaamay qoraa wax ka qoray mawduuc ay bulshadu aad ugu baahnayd.
Waxa kale oo isna madasha ka hadlay xooghaya cusub ee dawlada hoose Suhayb Maxamed Cali oo isna ka mid ah xubnaha sare ee naadiga akhriska, xoog haye suhayb wuxuu aad u bogaadiyey qoraaga buuga oo uu ku sifeeyay shaqsiyi ku dhiiraday mawduuc ay qoristiisa ama ka sheekayntiisu ku yarayd guud ahan bulshada soomaaliyeed waxa kale suhayb intaas ku daray in madwduucan qoyska iyo habdhaqanka lamaanaha ay diinteena suubani aad uga hadashay wakhtigan casriga ahna ay culimo badan oo muslini wax ka qoreen lakiin soomaliahaan ay tahay wax inagu cusub.
Sidoo kale waxa madasha lagu soo dhaweeyey qoraagii buugan Sh.Maxamuud Naxwe oo bulshadii madasha fadhiday ay aad uga dhursugaysay sharixida iyo faahfaahinta buugan xambaarsan mawduuca xasaasiga ah sida magiciisa ka muuqata, sheikh maxamuud naxwe ayaa hadalkiisa wuxuu ku bilaabay ”” buuga aan caawa idiin sido ama aan madashan ku daahfurayno magaciisa waxa la yidhaahda “qolka hurdada qisooyin iyo cilmiyo ku duugan “ buugan waxa ka horeeyey oo aan hore u qoray buugii Badhaadhaha guurka iyo aragtida islaamka buugaasii markii aan soo bandhigay sandkii 2011kii ee uu bulshada dhexgalay jawaabcelintii bulshada igaga soo noqotay ayaa igu kalifay inaan buug labaad oo ka hadlaya nolosha lamaanaha iyo sida ay isu raaligalinayaan baa aan soo saaro buugan caawa aynu qaada dhigi doono, buugan sida magciisaba ka muuqata wuxuu ka hadlayaa xiliga ay lamaanuhu ku suganyihiin qolka hurdada oo ah meel aad u xasaasiya waa meel u baahan in sifiican loo barto wax badana ka ogaano iyada oo diinteena suubani si waafi ah uga hadashay mucaamilada lamaanaha habdhaqanka qoyska, sheikh maxamuud naxwe wuxuu sheegay muhiimada ugu weyn ee uu buugan ugu talo galay ay tahay dayarta soo kacaysa ee guur maaganayaasha ah si uu marjac ugu noqdo buu yidhi.
Gebagebadii waxa barnaamijka soo gunaanaday mayorka magaalada berbera Cabdi shukuur maxamuud xassan waxana uu sifiican u soo dhaweeyey barnaamijkan laga hadlayay waxa hadaladiisi ka mid ahaa” caawa waa barnaamijkii ugu qaalisanaa een ka soo qayb galo waa buug faaido badan u leh dhalinyarada aad yo aad baan ugu mahad naqayaa qoraaga buuga sh.maxamuud naxwe.
Ugu dambayntii qoraaga buugu wuxuu madasha buug ku gudoonsiiyey naadiga akhriska,madaxdii madasha joogtay iyo qaar kamid ah ka soo qaybgalayaashii. Guud ahaana munaasibada ayaa ku soo dhamaatay jawi dagan waxaan bulshada ka muuqday dareen soo dhaweyna iyga oo aad ula dhacay buugan iyo nuxurka ku duuganba.
Somalilandpost.net/Berbera
