Tan iyo ayamihii ay roobabka waawayni ka da,een magalada burco ayaa waxaa robabkaasi xidheen wadooyinka wawayn ee xafadaha aktober khaastan agagaarka guriga indhadeero shaaracan xidhan maalintii shanaad ayaa waxaa ku soo dhacay geed wayn taas oo ay isku dayeen xafadahaasi in ay jar jaraan si ay u yareeyaan geedka balse jiridii oo u baahan in wish ama sheewal ay ka jeedo ay ku hadhay
Mar aan isku dayay in aan xafadaha ka waraysto in ay dawlada hoose la xidhiidheen iyo in kale ayaa ii xaqiijiyay in ay arkeen balse ay iska idha tireen in ay ku soo laabtaan oo ka qaadaan wadada geedkan dhex yaala xafadahaas ayaan qaarkood haysan biyo ay cabaan iyo wado ay booyadu u soo marto halka qaar ay ugu xidhan yihiin qasabadihii biyuhu
Si kastaba ha ahaateen meeday dawladii hoose ee shaqadan lahayd, Miyaanay jirin kormeer maalinkastaa?
Miyaanay jirin gudiyo xafadahaa oo warbixinta xafada siiya hawlada hoose maalin kasta. Miyaanay jirin xafiis qaabilsan cabtinka xafadaha si wax looga ogaado dhibta soo korodha?
Miyaanay jirin hawul wadeeno xalada dag dagaa sida bulaacado go ama suliyo duma iyo wixii lamida?
Tan iyo wakhtigii dawlada hoose xilka la wareegtay ayaa waxaa jira cabatin xoogan oo ka imanaya xafadaha ama guud ahaan magalada burco taas oo ah in aan qashinka loo samayn goobo lagu shubo ama baabuur ka qaada xafadaha waxaad arkaysaa shawaariicda waawayn oo bacda taala iyo qashinka yaala aanay indhaagu sii eegi karayn
Hadaba dawlada hoose ee magalada burco ma waxay indhaheedu arkayaan wax aanay bulshadu arkayn. Meeye shaqalihii loogu tala galay in ay hawulahaas qabtaan.
Hadaan wax yar ka tilmaamo hawlaha ay qabtaan ee ay u feedha wayn yihiin dawlada hoose ee magalada Burco.
Waxaa ka mida cashuur qaadista waxaad arkaysaa yaga oo jiingadaha magalada koonaheeda ka dhisan yaga oo meeraysanaya qolada cashuur qaadistu oo leh cashuurtii ayaanu guraynaa
Waxaad arkaysaa xafadaha qaar ka cabanaya dawlada hoose oo leh hadaanu bixinwayno ama ay dhawur bilood nagu gaadho cashuur in albabada la furanayo sida xafadaha qaar ku dhacday
Miyaanay xaaraan ahyn miyanay dulmi ahyn qof maalin walba lacag laga qaadayo oo aan haysan meel ay boyadu u soo marto oo aan haysan cid qashinka ka qaada
Lacaga dawlada hoose ka qaado xafadaha si kasba ha u ga qaadee waa lacag aan waxba loogu qaban oo aannay waxba kaga soo noqon bulshada tamarta yar
Dhanka kale cabatinka ugu xoogan ayaa ah dhanka laydhka iyo tamar yarida dawlada hoose.
Shawaariicda waawayn ee halbawlaha u ah magalada burco ayaad la yaabaysaa markaad soo dhex marto habeenkii baabuurka toban mitir kuu jira ma arkaysid laanbado calankii somaliland lagu xardhay oo aad uga fog dhulka ayaa ku xidhan oo gabi ahaanba badawka dhigay caaricii.
Magalada burco ayaa ah magaalo aad uga danbaysa dhanka maamulka dawlad nimo maxaa yeelay ugu yaraan 3 shirkadood oo waawayn oo laydhka siiya magalada ayaa ka shaqeeya guud ahaan gobalka
Hadaba aan tilmaam siiyo siyabaha ay dawlada hoose ee magalada burco shawaariicdeeda waawayn laydh ugu helilahayid
1. waa in ay dawlada hoose ee magalada burco sadexda shirkadood ee waawayn ee magalada laydhka siiya ay u qaybisaa wadooyinka magalada si shirkad kasta loogula xisaabtamo inta wado ee ay laydhka siiso.
Waxaad is waydiinaysaa akhristow mayeeli karaan shirkadaha laydhku hadaiiba ay dawlada hoose amarkan ku soo rog jawaabta aan isku dayo
Dawlada hoose waxaa looga baahanyahay hadiiba ay suro galiso in ay amarkan ku soo rogto shirkadaha laydhka in loo sameeyo shirkadahaas cashuur dhaaf ama cashuurta kala badh laga tuuro si ay shirkaduhu u yeelaan amarkan.
Fari kama qodna warbixinada aan soo wado ee ku saabsan guud ahaan gobalka tog dheer iyo dawlada hoose ee magalada burco
Waxay is waydiinayaan bulshadu reer somalilnd dhagax dhiga mashaariic horumarineed iyo amarka dawlada iyo waliba balanqaadka xukumada somaliland ma noqon karaan qaar aan la rumaysan Karin wakhtiyada soo socda hadaan wax ka tilmaamo su,aasha ay is waydiinayaan bulshadu reer somaliland
1 madaxwaynaha somalilnd axmed siilaanyo ayaa xeer madaxwayn ku dhaqan galiyay in 40kii cashaba hal maalin guud ahaan somaliland dadku u dareeraan qashin.
2.wasiirka wasarada arimaha gudaha MR waran cade oo is na xeer wasiir ku soo saray in shantalaabo guri kastaa marmar la dhigo ama sibidh la dhigo si bilicda magaladu u soo baxdo.
Sifiican u fiiri qodobadaas oo dhan miyaanay qonon Karin hal bacaad lagu lisay oo aan halkii laga siiqaadinba.
Miyaanay bulshada dhaawac iyo nabar ku noqon Karin qodobadaas oo dhan marka ay dib u fiiriyaan.
Miyanay shaki ku abuuri Karin bulshada kalsoonidii xukumada ay ku qabeen.
Miynaay beenin Karin xeerarka kale ee soo socda hadiiba ay kuwaasiba hir galiwayeen.
La soco warbixina danbe ee goob kasta taabanaya ee dariiqa ku soo jira waxaanu idiin balan qaadayaa in aan waraysiyo iyo muuqaalo aan idiin soo bandhigo
Abdalla Abu Haniifa
Burco Somaliland
