Ceel-Afweyn (SLpost)- Rabshaddo iyo mudaharaad ayaa ka dhashay, ka dib markii sagaal ka mid ah, 17ka xubnood ee golaha degaanka degmadda Celef-Weyn, fadhi ay maanta yeesheen ku doorteen Maayir iyo Maayir ku Xigeen.
Fadhigan  oo qarsoodi  ahaa  laguna wargalin  Sideed  Xildhibaan ee kale ka mid ahaa golaha  degaanka  , ayaa markii ay dadweynihii    ka war heleen  doorashadan, waxa  magalaadii ka bilaabmay mudaharaadyo, lagaga  soo horjeedo  talabadan, waxaana  taayiro  lagu gubay jidadka magaaladda, iyadoo sida la sheegay dad cadhaysani ay burburiyeen qalabkii iyo xafiisyadii  dawlada  Hoose, isla markaana dab qabadsadeen  faylalkii iyo Waraaqihii yaalay goobtaasi.Waxaaana  cakirantay  xaaladda magaaladaasi.
Fadhigan  ay isku doorteen  sagaalka  xildhibaan  oo la sheegay inuu goob joog ka ahaa  Badhasaabka  gobolka  Sanaag  Aadan  Diiriye  Cigaal, oo isku dayay inuu dejiyo xaalada ayaa  kala kulmay waji gabax ,ka dib markii   dadweynaha  degmadaasi  ku mudaharadeen, oo dhagax la dhaceen baaburkii  uu watay, waxaana la sheegay inuu  soo cararay  dhinaca  galbeedka  Somaliland, markii uu arkay  in  xaaladii  uu  gacantiisa  ku abuuray  gacantiisa faraha ka baxday.
Xaaladda  degmadaasi  ayaa  kacsanayd  ilaa  galinkii danbe maanta   balse hadda  degan  markii ay  ka hawlgaleen  waxgaradka  iyo  odoyaashada  magaaladaasi.
Cuqaasha iyo Odoyaasha  Celef-weyn, ayaa  badhasaabka gobolka  Sanaag  ku eedeeyay  inuu abuuray  dhibatadan, wixii ka dhacay magaaladda  Celef-weyn uu masuul ka yahay tuurtana ku sitay oo uu kala yimi Celefweyn.
Wararka  kale ee ka imanay  degmada  Celef-Weyn, ayaa sheegayaan Sideedii  Xildhibaan  ee ka maqnaa fadhigaasi qorshaynayaa fadhi  ay ku doortaan Maayir iyo Maayir ku Xigeen.
SOMALILANDPOST.NET